أخييييييييييييه على الوردي

قبل فتره قلت لكم راح اعرض لكم شنو خذيت من محل اشكناني لأسماك الزينه اللي


بالجابريه مول خذيت سمجتين زينه حق بناتي مع حوض


لون وردي وأكل حق السمج كله بثلاث دنانير ....

الحوض شكله حلو جنه جنطه بس حساس وانكسرت وحده من صكاته اللي لونها اصفر باينه بالصوره

:والسبب من أن لونه وردي هذا شرط بنتي الكبيره ولو يصير جان قالت ابي سمج وردي بعد....

اليوم احبك وبكره اعشقك والي بعده في العنايه والسبب ضحكتك

أنا ياحبيبي تذبحني ضحكتك وأضيع لاشفت الزعل في عيونك . . أنت "الأول"" واللي بعده""والأخيـــــــــــر"تصدق عاد الدنيا مو حلوة من غيرك أحس إني شخص ثاني وكل شي حولي يتبدل . . ماحس بلذة حياتي الا معــــــــــــــــــــــك ،،،،

فديــــــــت سبونج بـــــوب أنــــــا

منتجات الدايت عند الخباز صج دايت جربت راب الدياي وكانت خفيفه بس الطعم مو ذاك الزود كانت حااامضه....

وشفت عندهم استاندات الشوكلت للتخرج حق اللي عنده خريجين .

بيض النعام

حق اللي تتنسى ولا اللي هافه نفسها على" بــيــض النعام"

_ موجود في جيان _

أعلانات

توقعون رابحينها بسحب ؟؟؟

اليوم وأنا بالطريج رايحه الشويخ لفتت انتباهي هالسياره بالأول حسبالي سيارة أعلان

للشركه ...

بعدين استغربت ان اللي فيها اشكالهم كويتين,,,, الظاهر ياخذون عموله ؛)

هالصوره طلعتها من النت أوضح تقريبا نفس الشكل

هبه كويتيه يديده

وصلني بالأيـــميل هالصور .
هبــــــة كويتيه يديدة بس عجبتــــني .....

وأكثر شي عجبني الكوب اللي على قحطه سبايدر مان ....

اللي يعرف وين ينباع يفيدنــــأ؟؟؟؟

يوم الأثنين طلعت طلعه خفيفه تغيــــــرعن جو البيت وجو الدوام رحت انا وزوجي سينما 360 فيلم هيرت لوكر

الســــاعة 8:30

كان زحمه

وما في حجز......... الا جبال الشاشه اول سطره ووو سكشن الشباب بعد....

بغينا نغير الفيلم او نغير الوقت يعـــني ناخذ العرض اللي على الساعه 11 بس بالأخير حجزنا العرض اللي على الساعة 8:30 وظلينا جدام كلش جبال الشاشه انكسر راسي وانا اطالع وعيوني احسه بتنفجر بس مع اثارة الفيلم اندمجت وماحسيت بالوقت .....

الفيلم حيـــــــل عجبني حسيت بروح المغامره فيه وتعلمت منه شغلاات حلوه استفيييييد منها في حياتي....

قصة الفيلم بشكل مختصر تعبر عن حياة الجيش الامريكي بالعراق وخاصه فئة تقنيات المتفجرات .....ماأبي أحرق الفيلم عليكم واتمني تشوفونه ويعجبكم ..

اما بالنسبه للشي اللي استفدته من الفيلم.....

1-المتفجرات مو اي انسان يقدر يتعامل معاها لانها حساسه حيل ومع ذلك سهله حيل للتقني الواثق من نفسه ..

2- ثقتك بنفسك وبشغلك تحسس الفريق اللي معاك بالامان والأطمئنان..

3-في المواضيع الخطيره ما اتساهل مع الناس واطبق قوانيني علي الصغير والكبير وما امن لأي كائن..

4-انتبه من اي شخص معاي اشوفه مسكين وعلى باب الله ممكن يجي اليوم اللي انصدم منه ...

وعقب هالفيلم الطيب رحنا مطعم"" لتس برجر"" اللي بالدور الثالث....

طلبت عصير الله يزيـــــــــــد النعمه موشي من صج جنااا طعم أدول حتى قلت حق الجرسونthe taste same medicine

ويهه صار احمر وراح يابلي ورقة التقييم حسباله بكتب شكوى ولا شي من هذا القبيل : )

اسم العصير جاميكا من مكوناته الكيوي.....

وسلطة سيزر بس مو عاديه من مكوناتها افوكادو وذره ولحم مقدد وميني توميتووو وصوص الرانش.... خطييييره

ومـــيني برجر حلووو مش بطال ويشبع ...

وبـــــس ان شاء الله تستمتعون معااااي....

تجااااارب

كاكاو sms اللي هابين فيه شفته باكثر من بلوق وتشوقت اجربه عاااد ذاك اليوم

لقيته بجمعبة العدان عند صووب الكاشير وانا احاسب بالصدفه وخذي منه كذا حبه وذقته وماااعـــــــــــــجبني كلش فاشل نفس كاكاو بنجوم بس بنجوم احلى بواااايد منه .....ومراح اكرر التجربه...

هالويك اند ماطلعنا انا وخواتي فقررنا نطلب شي يديد ماجربناه من اي مطعم

فوقع الأختيار على برجر كنج لان من زمااان حيل مو ذايقين اكله فطلبت وجبه مشروم مع جبنه بس ما عجبتني

موشي الله يزيد النعمه مترووسه جبن اللي طعم المشروم مو مبين كلش عندي المشروم مالت هارديز احلى بــــوايد من هاذي ...

وطلبت شغله ثانيه يديده عندهم"تشكن تندرلوين" ومعاها صلصه في حاره وفي بارده انا اخترت حاره وعجبتني صراحه وراح اعيد التجربه بس مع صلصة بارده ثلاث قطع ب600 فلس ....

بسم الله الرحمن الرحيم

اليوم رحت الجابريه مول قاعده ادرولي شغله وماحصلتها ولفتت نظري هالصوره اللي على المحل

ودخلت اشوف ولا محل اسماك زينه وملحقاتها ولقيت عندهم شغلات حلوه حق اللي يحبون سمك الزينه

مكينة اكسجين على اشكال عجبتني

هذا المحل اسمه مركز اشكناني

هاذي عينه من ماكينة الااكسجين

هاذي اللي عجبتني نظرتها ذباااحه : )

باجر ان شاء الله راح اكتبلكم شنو خذيت من هالمحل اللحين مايمدي وعندي دواااام تصبحون على خيــــــــــــــــر