من كثر ما سمعت عن مطعم الستينات قلت لازم اجربه ورحت تغديت فيه وهاذي تجربتي
مكان طاولتنا يم الدريشه
قدموا لنا لقيمات
طلبنا شاي فحم على ما يوصل الطلب وطعم الشاي كان له طعم خاص لذيذ ذكرني بشاي الياخور خخخخ
عجبتني قفاش الشاي مشخله
طلبنا تبوله
بسم الله
طلب زوجي مجبوس لحم
طلبي مجبوس دياي
الاجار لابد منه مع المجابيس
وغرامي المعبوج
ومشروبنا ماي وبيبسي
والحساب يا بلااااااش
تقيمي للمطعم : مدحوا لي المطعم حيل لدرجه قالوا انه احلى من فريج صويلح وبصراحه لحد الان ما في مطعم اكل كويتي مستوى فريج صويلح من خلال اللي جربتهم والمطعم زين بشكل عام
الخدمه 9\10
الاكل : 6\10
النظافه : جيده
السعر: ممتاز
العنوان : حولي مقابل لمستشفى دار الشفا
