my world

الثلاثاء، يوليو 13، 2010

من زمان ما نزلت شي في بلوووووقي ولهـــــــــت عليكم حيــــــــــــــل واقدم لكم


هالبوست المجكنم عن رحلتي الاسبوع اللي فات مع بعلي


طبعا D :


رحت مطعم لا نوتر البحر للعشااااء واتوقع انه غني عن التعريف مطعم فرنسي ومن ارقى المطاعم بالكويت















وهاذي الأطباق احم احم

















وعقب ما تعشينا وتمشينا رحنا السينما 360 واخترنا فيلم جاكي شان


" THE KARATE KID "




*تقيمي للفيلم :-

1-الفيلم حلو مع انه طويل بس ما حسيت بملل طول فتره الفيلم بس ريولي لما قمت حسيت انها متخدره :(


2-جاكي شان عييييييز وايد مبين عليه الكبر واعليه انا خبري فيه اول شحليله اللحين


حتى لما يطامر ويكفخ اللي جدامه يبين عليه التعب :(
(( ليت الشباب يعود يوماً لأخبره بما فعل المشيييييبُ)) .







3- شغله ما حبيتها بالفيلم شلون الولد ينبهر بالبنت الصينيه وشلون متنح يطالعها يعني حبها او معجب فيها وشلون لما ترقص جدامه بعد يتنح صراحه بااايخه الحركه والولد صغير شكله ما فقس من البيضه شهالخرابيط احس يفتحون عيون اليهال على هالسوالف البايخه.



*استفدت شغلتين من الفيلم :-



1- ان الانسان اذا انهان او تعرض لموقف يمس كرامته لا يوقف عند هالنقطه ويتهرب منها بالعكس يرد كرامته في طرق عديده واحسن الطرق السلميه (( بالفيلم رد كرامته من خلال المسابقه )).



2- عجبني بالشعب الصيني انهم يمارسون الرياضه بالهواء الطلق وبشكل جماعي منظم وكبار السن لهم النصيب الاكبر بالرياضه للمحافظه على اللياقه البدنيه وخفة الحركه .

((خلف الله على عيايزانا يالله تمشي يالله حسن الخاتمه )).