{--- Beautiful book mark in center point ---}

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

شوكلاته عواشه في البيرق نفس ستايل سويت فاكتوري بس هذا صناعه كويتيه والـ100 غرام بـــ 500 فلس :)

برافــــــوا اشجع الانجازات الكويتيه :)

اهداء حق خالتي neena ؛)

movenpick Chocolate in

التاج السلطاني

قوانين التاج السلطاني:

اذكر اسم من طلب منك حل هذا الواجب

تحدث عن ستة أسرار قد لا يكتشفها من يقابلك للمرة الأولى

حول هذا الواجب إلى ستة مدونين، واذكر أسماءهم مع روابط مدوناتهم في موضوعك

اترك تعليقا في مدونة من حولت الواجب إليهم، ليعلموا عن هذا الواجب






----------------------------------------------------------------------------


اذكر اسم من طلب منك حل هذا الواجب

q8-lawyer ثانكيووو حبيبة قلبي على الهوم وووورك وسوري عالتاخير لظروف

خاصة
---------------------------------------------------------------------------


تحدث عن ستة أسرار قد لا يكتشفها من يقابلك للمرة الأولى




عندي اسرار وايد بس بكتب اللي مسموح في افشائها :)





1- أحب اغامر واحب السفر بس نقطة ضعفي بناتي حييييييييل احاتيهم





2- حساسة ودمعتي على طريف اي موقف حساس افجرها





3- احب اساعد بس اذا احتجت هالشخص وهو يقدر وما ساعدني اغير نظرتي فيه





4- ما احب اقرق وايد في حياتي حكمة اطبقها خير الكلام ما قل ودل





5- هادية وحبوبه وحليييييييييييييييوه بس اذا وصلت حدي عفست الدنيا





6-احب الفناتك واحب اجرب واحب كل شي غريب



---------------------------------------------------------------------------------


حول هذا الواجب إلى ستة مدونين، واذكر أسماءهم مع روابط مدوناتهم في موضوعك


1-hopeless-sight





2- رندا الجنوبية





3-ابو فلان





4- lil.D





5- my pink world





6-my kitchen
----------------------------------------------------------------------------


اترك تعليقا في مدونة من حولت الواجب إليهم، ليعلموا عن هذا الواجب


جاري التطبيق

هالمرة كنت طالعه من الدوام مبجر ورايحة اخذلي جم شغله من الافينيوز وقلت بتريق اول شي وعقب اخلص شغلي وقعدت الف يمين ويسار

ياربي اي مطعم اتريق هذا ولا هذاك المهم زوجي قالي شرايج نجرب هذا قلت : أوكي لان ما في بالي شي معين ودخلنا

ويااااا ليتني اعرف هالمطعم من زمان صراحة الاجواء أوربية وانا قاعده احس ببرااااد ياي من داخل براد اوربا والمظلات والنباتات يمين ويسار والموسيقى

فرنسيه وهاديه والخدمه اخييييييه على الخدمه رقي واتكيت ياربي حسسوني اني ملكة D :

{--مطعم براسيري دوليتوال المطعم فرنسي-- }

هذا المنيو مال الريوق جناااا جريده

وهذا منيو الوجبات العاديه

وقلت بما ان انا في مطعم فرنسي طلبت قهوه فرنسيه

والصمون الفرنسي والزبده

وانا طلبت اومليت داخله خضره ومشروم مكس وهالمدور اللي بالصحن حسبالي جريل مشروم وطلع ميني بوتيتو :)

وكان لذيـــــــذ مافي دسم كلش

واعطيه 10/10

ولما الجرسون ياب طبقي قالي : مدام بدك FRSH pepper

قلت : أي

ياب المطحنه اليدويه وكانت كبيره مالت الفلفل الأ سود وقعد يفرمه على طبقي وعلى السلطة

وسلطة خضرا لذيذه والصوص اللي فيها نكهته حلوة

اعطيه 8/10

وكلوب ساندوش حق ريلي وعليه علم فرنسا و كانت تهبل وخفيفه مافيها دسم

اعطية 10/10

وعقب حلينا بالستروبيري تارت
8/10

ومن كثر ما القعده حلوه قلنا بنطلب شي نشربه ونستمتع بالاجواء طلبنا جرين تي وكان طعمه حلو

10/10

تقيمي للمطعم من ناحية :

الأكل : لذيذ واحس فرش ونظيف ومافيه دسم وخفيف على المعده :)

الخدمه : سريعه واتكيت ونظيفه

المعاملة: معاملة راقيه جدا

المكان : نظيف والقعده مريحة وحلـــــــوه وشرحه

السعر : المبلغ مااذكره بس ما كان غالي يعني بحدود العشر دنانير جذي

(( كل الشكر والتقدير لطاقم المطعم والقائمين عليه على الخدمة المتميزه والمعاملة الراقيه والوجبات الرائعة .))

تجارب

توني ياية من جمعية العدان كنت رايحة اخذ حق بنتي حليب وشفت هالشوكلت وعجبوني

واول مرة اشوفهم وقلت يالله نجربهم وانقلكم تجربتي

شوكلت ميلكا انا شايفه نوع واحد بس هذا اول مرة اشوفه نفس كيك ماركس سبنسر

نفس الطعم تقريبا بس ماركس سبنسر اكبر وارخص هذا سعرة 1,500

وهذا عصر اناناس +حليب+جوزالهند حسيته غريب وطعمه والله حلو مش بطال بس طعمه ذكرني بماليزيا لما كانا قاعدين انا وريلي جبال البحر على كراسي القش ووشير جوز الهند حوالينا وعطونا عصير داخل حبة جوز الهند نفس طعم هذا تقريبا




وهذا سلمكم الله شوكلت نوتلا مع عيدان بسكوت الظاهر مسوينه حق مباريات كاس العالم الواحد يكل ويطالع واهوا داخل الملعب وحجمه صغير وفكرت اني احطة بجنطتي اذا بغيت اروح السينما واتسلى فيه انا اطالع الموفي

علية صور كور وعلامة الفيفا

وهذا حجمة بالنسبه لماي ابراج

و من جواااا

وسلامتكم وتعيشوووون

SEE U SOON

مطعم غاردن الأيراني

بما ان رورو الشخبوظه شوقتني على هالمطعم في بوستها اللي عن مطعم غاردن رحتله وكلي شوق ولهفة على أكلهم وفعلا المطعم يستاهل اللي يزوره من ناحية الخدمة والسعر والاكل كله حلو ومكانهم بالافينيوز وثانكيوو على المعلومات اللي خذيتها من بلوقج يارورو الحلوة :) عن هالمطعم طلبت نفس طلباتج وزدت عليهم تجربتي ......

على فكرة المطعم ايراني

فلفل ومرق باميه

الخبز الأيراني الحاااااار المسمسم

مقبلاتهم




سلطة شيرازيه جنه جذي اسمها
وكشك باذنجان ودولمه



دولمه








وهاذي نفس السلطة

والكشك باذنجان

وشبزي

وكباب كوبيدة مع عيش بالزعفران

نرد مرة ثانيه حق جيان والله جني صرت مراسلتكم من جيان

شفت شوكلت Guylian بس مطورينه مسوينه نفس شوكلت جواهر

وجذبني شكله وحسيته لذيذ بس التجربه خير برهان

هذا شكله

والطعم في أنواع , دارك ,وكوفي ,كراميل وووو

بس الطعم مو شي الله يزيد النعمه جنه كاكاوات الشويخ أسواق الجمله وثقيييييييييل

تجربه فاشله ):